नेपाल पक्षले दिउँसो चार बजेसम्मको ‘डेडलाइन’ दिएर २ जेठ २०७५ मै फर्कने निर्णय गरेको थियो । त्यस लगतै संचार व्यवसायी रामेश्वर थापाको बुढानीलकण्ठस्थित घरमा ओली र नेपाल छलफलमा जुटेका थिए।

नेता नेपालले पार्टीलाई सर्वोच्च अदालतको २३ फागुनको निर्णयपछि कुनै न कुनै रुपमा २ जेठ २०७५ मा फर्काउन कार्यदलमा छलफल हुने बताए। ‘मैले प्रधानमन्त्रीलाई ६ बुँदे शर्त राखेर लेखेको पत्रका विषयमा छलफल भयो,’ उनले भने, ‘ फागुन २८ को निर्णय फिर्ता गर्ने र जेठ २ को अवस्थामा फर्काउन एउटा विधि बनाएर जाने सहमतिनजिक पुगेका छौँ। यसका लागि कार्यदल बन्छ।’

एमालेका दुवै पक्षका दोस्रो तहका नेताहरुबीच पनि कार्यदल बनाएर कुनै न कुनै रुपमा जेठ २ को सेरोफेरोमा पुग्न छलफल हुने सहमति भएको छ । ओली र नेपाल पनि आज त्यसमा सहमत भएका हुन्।

यो सहमतिपछि तत्कालका लागि नेपाल पक्षको राजीनामा रोकिएको छ।  नेपाली कांग्रेस, माओवादी केन्द्र लगायतका विपक्षीको बहुमतको सरकार बनाउने प्रयास असफल हुने देखिएको छ।