कर्णाली प्रदेश सरकारले पूर्णता पाएको छ। सत्ता घटक दलहरु नेकपा माओवादी र नेकपा एमालेबिच मंगलबार भएको सहमति अनुसार दुवैदलले मन्त्री पठाएसँगै सरकारले पूर्णता पाएको हो।

कर्णाली प्रदेश सरकारमा नेकपा माओबादी केन्द्रका संसदिय दलका नेता राजकुमार शर्मा मुख्यमन्त्री र नेकपा एमालेबाट सांसद बिनोद शाह,नेकपा माओबादीबाट सांसद मंगल शाही यस अघि नै मन्त्री नियुक्त भईसकेका थिए । ७ सदस्यीय  मन्त्रीमण्डल रहेको प्रदेश सरकारमा बाँकी चार जना नयाँ मन्त्री र एक जना राज्यमन्त्रीको आज सपथ लिए ।  प्रदेश प्रमूख तिलक परियारको कार्यालयमा नयाँ मन्त्रीहरुलाई सपथ खुवाइएको हो।